ဘရပ်ဆဲလ်၊ ဧပြီ-၂၀-၂၀၂၄မျိုးဆက်(VOM)ယူကရိန်းအတွက် အဆင့်မြင့်တဲ့ လေကြောင်းရန်ကာကွယ်ရေးစနစ်တွေနဲ့ စစ်ရေးအထောက်အပံ့တွေ ထပ်မံ ပေးအပ်သွားမယ်လို့ မနေ့ကကျင်းပတဲ့ နေတိုး-ယူကရိန်း ထိပ်သီးဆွေးနွေးပွဲအပြီးမှာ နေတိုးအဖွ့ဲအကြီးအကဲ စတိုတန်ဘာ့ဂ်က ကတိပြုပြောဆိုလိုက်ပါတယ်။ယူကရိကိန်းမှာ လူသေဆုံးစေတဲ့ ရုရှားရဲ့ တိုက်ခိုက်မှုတွေ ဆက်လက်လုပ်ဆောင်နေချိန်မှာ ယူကရိန်းရဲ့ တောင်းဆိုမှုတွေအပြီး အဆင်မြင့်လေကြောင်းရန်ကာကွယ်ရေးစနစ်တွေ ပေးဖို့ နေတိုးအဖွဲ့က ကတိပြုလိုက်တာလည်းဖြစ်ပါတယ်။ဗီဒီယိုလင့်ခ်ကနေ ပြုလုပ်တဲ့ နေတိုး-ယူကရိန်းထိပ်သီးအစည်းအဝေးအပြီးမှာတော့ နေတိုးအဖွဲ့ ကာကွယ်ရေးဝန်ကြီးတွေဟာ ယူကရိန်းအတွက် လေကြောင်းရန်ကာကွယ်ရေးစနစ်တွေအပါအဝင် နောက်ထပ်စစ်ရေးအထောက်အပံ့တွေ တိုးမြှင့်ပေးဖို့ သဘောတူခဲ့ကြောင်း စတိုတန်ဘာ့ဂ်က ပြောပါတယ်။ယူကရိန်းမြို့တွေကို ကာကွယ်နိုင်ဖို့အတွက် နောက်ထပ် ပက်ထရီးယော့လေကြောင်းရန်ကာကွယ်ရေး စနစ် သို့မဟုတ်အလားတူ စနစ်မျိုးလိုအပ်နေကြောင်း ယူကရိန်းသမ္မတ ဇီလန်စကီးက တောင်းဆိုထားခဲ့တာဖြစ်ပါတယ်။ယူကရိန်းမှာ ပက်ထရီးယော့ လေကြောင်းရန်ကာကွယ်ရေး စနစ်တွေရှိနေပေမယ့်လည်း ရုရှားရဲ့ အကြီးအကျယ်တိုက်ခိုက်မှုတွေကြောင့် မြို့တွေကို ခုခံကာကွယ်ဖို့ မလုံလောက်ပါဘူး။ ပြီးခဲ့တဲ့နေ့ကလည်း ရုရှားရဲ့ ဒုံးကျည်တိုက်ခိုက်မှုတွေကြောင့် ကလေးငယ်နှစ်ယောက်အပါအဝင် လူခုနှစ်ယောက်သေဆုံးခဲ့တယ်လို့ ယူကရိန်းတာဝန်ရှိသူတွေက ပြောပါတယ်။Ref:BBCPhoto:AP

ရောမ၊ ဧပြီ-၂၀-၂၀၂၄မျိုးဆက်(VOM)စစ်အေးတိုက်ပွဲပြီးဆုံးပြီးနောက်ပိုင်း ဥရောပလုံခြုံရေးအတွက် အကြီးမားဆုံးခြိမ်းခြောက်မှုကို တရုတ်နိုင်ငံက မီးလောင်ရာလေပင့် လုပ်နေကြောင်း အမေရိကန်နိုင်ငံခြားရေးဝန်ကြီး ဘလင်ကင်က ပြောဆိုလိုက်ပါတယ်။တရုတ်နိုင်ငံက ရုရှားကို လက်နက်နဲ့ပတ်သက်တာတွေ လွှဲပြောင်းနေမှုကို တားဆီးနိုင်ရေး ဂျီ-၇ နိုင်ငံတွေင လုပ်ဆောင်နေကြောင်း အီတလီမှာ ကျင်းပတဲ့ ဂျီ-၇ နိုင်ငံခြားရေးဝန်ကြီးများအစည်းအဝေးအပြီးမှာ ဘလင်ကင်က ဆိုပါတယ်။တရုတ်ဟာ ရုရှားစစ်တပ်တိုးတက်ဖွံ့ဖြိုးလာစေရန်အတွက် အဓိကပံ့ပိုးကူညီနေသူဖြစ်ပြီး ပို့ကုန်ထိန်းချုပ်မှုတွေနဲ့ အရေးယူပိတ်ဆို့မှုများကြောင့် ပျက်ပြားနေတဲ့ ရုရှားရဲ့ ကာကွယ်ရေးစက်မှုလုပ်ငန်းကို ပြန်လည်တည်ဆောက်ရေးမှာ စက်ကိရိယာတွေ၊ တပိုင်းလျှပ်ကူးပစ္စည်း ထုတ်ကုန်တွေနဲ့ အခြားပစ္စည်းတွေကို ပံ့ပိုးပေးနေကြောင်း အမေရိကန် နိုင်ငံခြားရေးဝန်ကြီးက ပြောပါတယ်။လက်နက်တွေကို ရုရှားအတွက် တိုက်ရိုက် ထောက်ပံ့ပေးမှုမရှိသော်လည်း အစိတ်အပိုင်းတွေနဲ့ အရေးပါတဲ့ သွင်းအားစုများ ဆက်လက်ထောက်ပံ့နေခြင်းက ယူကရိန်းအပေါ်ရန်စတဲ့ ရုရှားကို အားပေးအားမြှောက်ပြုလုပ်နေခြင်းဖြစ်ကြောင်း သူကပြောပါတယ်။ဥရောပနိုင်ငံတွေအပြင် အခြားနိုင်ငံတွေနဲ့ပါ ဆက်ဆံရေးကောင်းမွန်လိုတဲ့ တရုတ်နိုင်ငံရဲ့ ရည်ရွယ်ချက်ကို ဘလင်ကင်က ဝေဖန်ခဲ့ပြီး ဒီနှစ်မျိုးစလုံး တပြိုင်တည်း မရနိုင်ကြောင်း သူကထောက်ပြပြောဆိုပါတယ်။Ref:NHKPhoto:Reuters

Voice of Myanmar အမေရိကန်နိုင်ငံ လူဝီစီယားနားကမ်းရိုးတန်းမှ ၄၁ မိုင်အကွာ မက္ကဆီကိုပင်လယ်ကွေ့ရှိ Deepwater Horizon ရေနံတူးစင်တွင် ၂၀၁၀ ခုနှစ် ဧပြီ၂၀ ရက်က ပေါက်ကွဲမှုဖြစ်ပွားပြီးနောက် သမိုင်းတလျှောက်တွင် အကြီးမားဆုံး ရေနံယိုဖိတ်မှု ဖြစ်ပွားခဲ့သည်။