ဩဂုတ် ၂၈ ၊ ၂၀၂၆ GG (VOM) မော်လမြိုင်မြို့ ၊ မရမ်းကုန်းရပ်ကွက် ၊ ကမ်းနားလမ်းရှိ ကိုကို နှင့် ညီညီလျှပ်စစ်ပစ္စည်းဆိုင်ကို ဒီကနေ့ ဩဂုတ် ၂၈ ရက်နေ့မနက်အစောပိုင်းက ဓားပြတိုက်မှုဖြစ်ပွားခဲ့တယ်လို့ သိရပါတယ် ။ မနက်အစော ၄ နာရီလောက်မှာ လက်နက်ကိုင်ထားပြီး မျက်နှာဖုံးစွပ်ထားတဲ့ အမျိုးသားသုံးယောက်က ကားနှစ်စီးနဲ့ရောက်လာပြီး သေနတ်ပြခြိမ်းခြောက် ဓားပြတိုက်ကာ မီးခံသေတ္တာကိုယူဆောင်သွားတာလို့ သိရပါတယ်။ ” ဘေးကဆောက်လက်စတိုက်ကနေဝင်ပြီး တိုက်တာလို့သိရတယ်။ဆိုင်နဲ့အိမ်ကတွဲဖွင့်ထားတာ ။ ပိုင်ရှင်တွေမရှိတာကို သိလို့ဝင်လုပ်သွားတာထင်တယ်။ အိမ်အကူကောင်မလေးရယ်၊ တူမဖြစ်တဲ့ကောင်မလေးပဲရှိတာကို လုပ်သွားတာ။ကောင်မလေးတွေကို ကြိုးနဲ့တုပ်ပြီး မီးခံသေတ္တာမသွားတာ ။ မီးခံသေတ္တာထဲဘာတွေရှိလဲတော့ ကျွန်တော်တို့ မသိနိုင်ဘူး။ ပိုင်ရှင်တွေက ရန်ကုန်သွားတာလို့တော့ ပြောတယ်။ ” လို့ ဒေသခံက ပြောပါတယ်။ ဓားပြတိုက်မှု ဖြစ်ပွားပြီးနောက် သက်ဆိုင်ရာ နယ်မြေရဲစခန်းက အခင်းဖြစ်ရာအိမ်ကိုရောက်လာပြီး စစ်ဆေးမေးမြန်းမှုတွေ…

ဩဂုတ် ၂၈၊ ၂၀၂၆။ NN(VOM) ရှမ်းပြည်မြောက်ပိုင်း၊ မူဆယ်မြို့နယ် ကောင်းမှုတုံရပ်ကွက်ထဲက ကျားဖြန့်ရုံကို အစိုးရတပ်နဲ့ ပူးပေါင်းအဖွဲ့တွေက မနေ့က ဝင်ရောက်စီးနင်းတာမှာ တရုတ်နိုင်ငံသား ၁၈ ယောက် အပါအဝင် ၃၁ ယောက်ကို ဖမ်းမိတယ်လို့ အစိုးရဘက်က သတင်းထုတ်ပြန်ပါတယ်။ ကောင်းမှုတုံရပ်ကွက် မြို့ရှောင်လမ်းမှာရှိတဲ့ နေအိမ်ကို ဝင်စီးခဲ့တာဖြစ်ပြီး တရုတ်နိုင်ငံသား ၁၈ ယောက်၊ မြန်မာနိုင်ငံသား အမျိုးသား ၈ ယောက်၊ အမျိုးသမီး ၅ ယောက်ကို ဖမ်းမိတာလို့ သိရပါတယ်။ “မနေ့က ဝင်ဖမ်းတာဟုတ်တယ်။ တပ်ရော ရဲရောပါတယ်။ တရုတ်တွေ လည်း မိတယ်။ သတင်းပေးလို့ ဝင်ဖမ်းတာလို့တော့ ပြောတယ်” လို့ မူဆယ်မြို့ခံတယောက်က ပြောပါတယ်။ ဖမ်းဆီးရမိသူတွေနဲ့အတူ ဖုန်းမျိုးစုံ ၄၂၂ လုံး၊ တရုတ်ယွမ် နှစ်သောင်းကျော်နဲ့ ဆက်စပ်ပစ္စည်းတွေကို သိမ်းဆည်းရမိတယ်လို့ အစိုးရထုတ်ပြန်ချက်မှာ ဖော်ပြပါတယ်။…

ဩဂုတ် ၂၈ – ၂၀၂၆ SS (VOM) နေပြည်တော်၊ ဒက္ခိဏသီရိမြို့နယ်မှာ ဒီကနေ့ ဩဂုတ် ၂၈ ရက်၊ မနက် ၉ နာရီ ၁၀ မိနစ်ဝန်းကျင်က အိမ်စီးကားတစီး အရှိန်လွန်ကာ ရေကန်ထဲထိုးကျမှုဖြစ်ပြီး နှစ်ယောက် သေဆုံးခဲ့တယ်လို့ လူငယ်တွဲလက်များ လူမှုကူညီရေးအသင်း (နေပြည်တော်) မှ တာဝန်ရှိသူတယောက်က ပြောပါတယ်။ ဒက္ခိဏသီရိမြို့နယ်၊ ထန်းတစ်ပင်ရပ်ကွက်၊ ကျောက်မျက်ခြံဝင်း၊ လမ်းဘေးမှာရှိတဲ့ သဘာဝရေကန်ထဲ ကားတစီးထိုးကျခဲ့တာဖြစ်ပြီး ကားပေါ်မှာ လိုက်ပါလာတဲ့ အသက် ၃၇ နှစ်ဝန်းကျင်အရွယ် အမျိုးသား တယောက်နဲ့ အသက် ၂၅ နှစ်ဝန်းကျင်အရွယ် အမျိုးသမီးတယောက် သေဆုံးခဲ့တယ်လို့ သိရပါတယ်။ “ကားတစီးလုံး ရေအောက်ကြမ်းပြင်အထိ ရေထဲမြုပ်သွားတာ။ ကားခေါင်မိုးက အပေါက်လည်း ပွင့်နေတာတွေ့တယ်။ အဲဒီအပေါက်ကနေပဲ ထွက်ဖို့ ကြိုးစားခဲ့လေသလား မသိဘူး။ ‌အမျိုးသားကတော့ ပြင်ဦးလွင်က၊ အမျိုးသမီးကတော့…